www.tertom.com
ตุลาคม 01, 2014, 06:12:17 AM *
ยินดีต้อนรับคุณ, บุคคลทั่วไป กรุณา เข้าสู่ระบบ หรือ ลงทะเบียน

เข้าสู่ระบบด้วยชื่อผู้ใช้ รหัสผ่าน และระยะเวลาในเซสชั่น
ข่าว:
 
   หน้าแรก   ช่วยเหลือ ค้นหา ปฏิทิน เข้าสู่ระบบ สมัครสมาชิก  
หน้า: [1] |   ลงล่าง
  พิมพ์  
ผู้เขียน หัวข้อ: คำคม.....คำเมือง, มาช่วยกันแปล๋หน่อยเน้อ..  (อ่าน 5940 ครั้ง)
0 สมาชิก และ 1 บุคคลทั่วไป กำลังดูหัวข้อนี้
กรรมกรข่าว
อยู่เชียงใหม่ครับ
Administrator
Hero Member
*****
ออฟไลน์

เพศ: ชาย
กระทู้: 1146


เจ้าของเว็บครับ


« เมื่อ: กันยายน 06, 2007, 06:18:39 AM »

ข้าเจ้าไปปะใส่หนังสือ คำคม คำเมือง เลยเอามาฝากเจ้าหมู่ จวยกันแปล๋เอาเน้อ... อันใดแปลบ่าถูกบ่าต้องก่อแก้ไข ก่ออธิบายเน้อเจ้า...
ข้าเจ้าออกตั๋วก่อนว่า บางกำก่อบ่าฮู้เรื่องเน้อเจ้า.. หันว่าน่าสนใจเลยเอามาฝากเจ้า..


๑. กิ๋นหื้อปอต้อง หย้องหื้อปอตั๋ว ป้อจายไค่หัว ฮื้อไค่หัวดัง ๆ ( กินแค่อิ่ม แต่พองาม เป็นลูกผู้ชายต้องหัวเราะดัง ๆ ไม่งั้นจะเป็นตุ๊ด )

๒. กิ๋นจี้ กิ๋นจ๋ำ หมั่นฮิหมั่นฮอม มักเป็นคนมี ( กินใช้ให้ประหยัด หมั่นเก็บหอมรอมริบ จะได้ร่ำรวย )


๓. คนดี ก่าดีเมื่ออ้อมป้อก คนจะวอกมันตึงวอกเต้าต๋าย ( คนดี ก็จะดีมาแต่เกิด คนชอบหลอกลวง ก็จะหลอกไปจนตาย)

๔. จังไผ๋จะไปอู้ เจ้าชู้บ่ฮื้อเปิ่นหัน( เกลียดใครอย่าพูดออกมา คิดจะเจ้าชู้อย่าให้ใครเห็น )

๕. จะต๋าบะกอกแห้ง ( ชีวิตรันทด ตกต่ำ )

๖. จับใจ๋งู บ่จูใจเขียด จับใจเปี๋ยน บ่เปิงใจ๋กาน จับใจ๋ลูกหลาน บ่เปิ่งใจ๋คนเฒ่า ( ถูกใจเรา แต่ไม่ถูกใจผู้อื่น )

๗. คนเฮาใหญ่แล้ว บ่ถ้ามาสอน จี้ฮีดแมงจอน ไผ๋สอนมันเต้น(คนเราโต ๆกันแล้ว ไม่ต้องให้สอนมาก )

๘. ดำน้ำฮื้อมันหันทราย นอนหงายฮื้อมันหันฟ้า ( ทำอะไรก็ต้องให้รู้จริง เห็นจริง )

๙. ตุ๊กจะไปหนี มีจะไปอวด( เมื่อเจอความทุกข์ อย่าหนีความทุกข์..ให้อดทนเอา เมื่อมั่งมีอย่าอวดตน.. ไม่ดี )

๑๐. ต๋ายกับเหล้า ดีกว่าเศร้ากับแม่ญิง ( ข้อนี้ ขออ้ายเวปช่วยแปลกำเน้อ ) อิอิ..





๑๑. ปี้จายกับน้องเมืย เหมือนต๋าเพี้ยกับแมงเผิ้ง ( สูมาเต๊อะ...บ่าฮู้จัก ต๋าเพี้ยอ่ะเจ้า...)

๑๒. ไม้ก๊ดไว้แป๋งขอ เหล็กงอไว้แป๋งเคียว คนก๊ดอย่างเดียว ไจ๋ก๋านบ่ได้ ( แม้แต่ไม้หรือเหล็กที่คดงอ ยังดีกว่าคนที่ไม่ซื่อสัตย์ )

๑๓. เก๊าไทรกับจ๊าง แม่ฮ้างกับหนาน อย่างกำโบราณ ไขงานก่อนกี้ ( ของที่เป็นคู่กัน ) ช่วยแปลต่อเน้อ...

๑๔. ปะผ้านวมเมื่อใกล้แจ้ง ปะจิ้นแห้งเมื่อเขี้ยวบ่มี ปะของดีเมื่อยามแก่แล้ว ( เมื่อรู้ตัวก็สายไปเสียแล้ว ) อิอิ..
.
๑๕. ถ้าจะกิ่วหื้อกิ่วอย่างคองู จะอู้หื้ออู้อย่างคอจ๊าง ( ถ้าจะพูดให้พูดแต่ความจริง )

๑๖. ตี่กลองแข่งฟ้า ขี่ม้าแข่งต๋าวัน ( อย่าแข่งกับธรรมชาติ ไม่มีทางจะชนะหรอก)

๑๗. หน้อยบ่ดีเป็นอาจารย์ หนานบ่ดีเป็นจ๊างซอ ( คนเราจะทำอะไร ควรดูความเหมาะสมเสียก่อน )

๑๘. ผ่อแม่ญิงงาม เมื่อยามเซาะป๋า ป้อจายมีผญา ผ่อต๋อนกินเหล้า

๑๙. บ่อู้บ่ม่วน บ่ค่วนบ่มีตี๋ไว้ครัว

๒๐. กึ้มงึ้มดื่มใน น้ำบ่ไหลเชี่ยวปื้น




๒๑. ยะก๋านบ่เป็นแซง heeบน้ำแก๋งหยั่งฟ้าฮ้อง

๒๒. ฝนตกซิก ๆ นานเอื้อน หมาขี้เฮื้อนนานต๋าย

๒๓. บ่มีฮื้อหา บ่มาฮื้อเซาะ บ่ฮู้ฮื้อถาม บ่งามฮื่อแต่ง

๒๔. เป็นนายฮื้อฮักหมู่ เป็นปู้ฮื้อฮักหลาน

๒๕. กิ๋นฮื้อป๋อคาบ หาบฮื้อป๋อแฮง แป๋งฮื้อปอไจ้ ไข้ฮื่อป๋อนอน

๒๖. เสียมบ่คมฮื้อใส่ด้ามหนัก กำอู้บ่นักฮื้อหมั่นฮ่ำหมั่นเฮียน

๒๗. มึนต๋าฮื้อผ่อตางยาว เป็นฮ้างเป็นสาวฮื้อผ่อถี่ ๆ สะเลียมหม่าแคว้งเปิ้นลือว่าขม หัวใจ๋คนมันขมกว่านั้น.

๒๘. เว้นหมาหื้ื้อปอศอก เว้นวอกหื้อปอวา เว้นพาลา ( คนพาล) หื้อไกล๋แสนโยชน์ เว้นคนขี้โรค หื้อไกล๋แสนไกล๋

๒๙. หลวกบ้านนอก บ่าเต้าวอกในเวียง หลวกในเวียง บ่าเต้าเปียงในคอก
หลวกในคอก บ่าเต้าวอกขี้ยา หลวกขี้ยา บ่าเต้าฮาจะฮื้อ
ิ หวลกจะฮื้อบ่าเต้า..เดินหนี

๓๐. สิบคมพร้า บ่าเต้าคมมุย สิบคมมุย บ่าเต้าคมขวาน
สิบคมขวาน บ่าเต้าลูกสิบคน ลูกสิบคน บ่าเต้าผัวเมีย.

๓๑. อู้ก่อนหมอ ซอก่อนปี่
ข้ามหัวนาย ก๋ายหัวล่าม
หยุบของเปิ้นเล่น เต้นหื้อเปิ้นหันล๋าย
ท้าทายนักปราชญ์ ประมาทผู้มีศีล
เต้าแอวผ่อเปิ้นยะก๋าน หาญปากสวก
อวดตัวดี สีเจ้าหมู่
อยู่บ่ดาย คบคนเมา
เก๋าคนบ้า ฆ่าของเลี้ยง
เถียงกำเจ้า กิ๋นข้าวซากผี
ใส่โทษผู้มีคุณ มันตึงบ่ดี.





เอามาฝากกันบ่าดายเน้อเจ้า... ค่อย ๆ อ่านล่ะกึดเอา.. ข้าเจ้าก่อแปลบ่าแกว๋นเท่าได๋เจ้า.. พอฮู้เลา ๆ กลัวแปลไปเรื่อยอ่ะเจ้า... ขอผู้รู้มาช่วยแปลกำเต๊อะเน๊าะเจ้า.... เผื่อเจ้าหมู่ต่างบ้านเปิ้นจะเข้าใจคำเมือง คำบะเก่าที่เปิ้นบอกเปิ้นสอนเน๊าะ.... ขอบคุณเจ้า.

from cm108.com
บันทึกการเข้า

ททมาโน ปิโยโหหิ  "ผู้ให้ย่อมเป็นที่รัก"
ยิ้ม ไม่ได้ login
บุคคลทั่วไป
« ตอบ #1 เมื่อ: กันยายน 17, 2007, 09:08:40 PM »

อ่านละยังคิดไม่ออก หลายประโยคเลย
บันทึกการเข้า
กรรมกรข่าว
อยู่เชียงใหม่ครับ
Administrator
Hero Member
*****
ออฟไลน์

เพศ: ชาย
กระทู้: 1146


เจ้าของเว็บครับ


« ตอบ #2 เมื่อ: มกราคม 06, 2010, 01:01:34 AM »

สิบเหลี้ยมซาวเหลี้ยม  บ่าเท่าเหลี้ยมใบแขม
สิบแหลมซาวแหลม  บ่าเท่าแหลมใบข้าว
สิบเหล้าซาวเหล้า  บ่าเท่าเหล้าเดือนเกี๋ยง
สิบเสียงซาวเสียง  บ่าเท่าเสียงแมงว้าง
สิบจ๊างซาวจ๊าง  บ่าเท่าจ๊างเอราวัณ
สิบวันซาววัน  บ่าเท่าวันนี้..
สิบฮีซาวฮี   บ่าเท่าฮีล้ำขา (ฮีสวด)
สิบนาซาวนา  บ่าเท่านาลุ่มเหมือง
สิบเขียงซาวเขียง   บ่าเท่าเขียงไม้เคาะ
สิบเป๊าะซาวเป๊าะ   บ่าเท่าเป๊าะหูหวาย  (อันเก่า..สิบฝายซาวฝาย   บ่าเท่าฝายไม้ติ้ว)
อันใหม่..สิบฝายซาวฝาย   บ่าเท่าฝายคอนกรีต
สิบมีดซาวมีด   บ่าเท่ามีดอรัญญิก
สิบพริกซาวพริก   บ่าเท่าพริกดอยเซิน
สิบเงินซาวเงิน   บ่าเท่าเงิน ส.ส. (ซื้อเสียง ได้ฟรี)
บันทึกการเข้า

ททมาโน ปิโยโหหิ  "ผู้ให้ย่อมเป็นที่รัก"
หน้า: [1] |   ขึ้นบน
  พิมพ์  
 
กระโดดไป:  

Powered by MySQL Powered by PHP Powered by SMF 1.1 RC2 | SMF © 2001-2005, Lewis Media | Thai language by ThaiSMF Valid XHTML 1.0! Valid CSS!